Að byrja á nýjum leikskóla

Að byrja í nýjum leikskóla er stórt skref fyrir bæði barn og foreldra. Fyrir barnið felur það í sér aðlögun að nýju umhverfi, nýjum vinum og nýjum venjum. Samkvæmt vistfræðikenningu Bronfenbrenners er mikilvægt að skoða hvernig mismunandi kerfi í lífi barnsins, svo sem fjölskylda, skóli og samfélag, vinna saman til að styðja við þroska þess. Leikskólinn á vegum Framtíðarfólks leggur áherslu á að skapa öruggt og hlýlegt umhverfi þar sem börn geta þróað félagsfærni, tilfinningalegan styrk og námsgleði í gegnum leik og samskipti.

Fyrir foreldra er þetta einnig mikilvægur áfangi, þar sem þeir treysta leikskólanum fyrir velferð og menntun barnsins. Rannsóknir í fræðiritum um snemmtæka menntun sýna að góð samskipti milli foreldra og kennara eru lykilatriði til að byggja upp traust og tryggja farsæla reynslu fyrir barnið. Hjá Framtíðarfólki er lögð áhersla á að foreldrar séu virkir þátttakendur í námi og leik barnsins og að þeir fái reglulega upplýsingar um framfarir þess.

Leikskólinn Áshamar á vegum Framtíðarfólk tekur börn og fjölskyldur opnum örmum og veitir gæðaumönnun og menntun í hlýlegu og framsæknu umhverfi. Með því að fylgjast náið með þroska hvers barns og veita einstaklingsmiðað nám tryggjum við að hvert barn fái tækifæri til að blómstra. Við stefnum að því að skapa umhverfi þar sem börn og fjölskyldur finna fyrir öryggi, stuðningi og gleði í hverjum degi. Framtíðarfólk er staður þar sem börn læra að njóta það að vera í skóla og vaxa í öruggu og hvetjandi umhverfi.

Við hlökkum til að taka á móti ykkur.